उद्योग वाणिज्य संघ चौतारा शाखाको भवन उद्घाटन

चौतारा । सिन्धुपाल्चोक उद्योग वाणिज्य संघको चौतारा शाखाको नवनिर्मित भवनको उद्घाटन गरिएको छ ।

शनिबार चौतारा शाखाको भवन उद्घाटन गर्दै नेपाल उद्योग वाणिज्य महासंघका उपाध्यक्ष दिनेश श्रेष्ठले व्यवसायीले एकै व्यवसाय सञ्चालन गर्न पनि विभिन्न ठाँउमा दर्ता गरेर फरक फरक शुल्क बुझाउनु पर्ने अवस्थाको अन्त्य गर्न आफुहरुले सरकारसँग पहल गरिररहेको बताए

उद्घाटन समारोहमा संघका अध्यक्ष वेदबहादुर श्रेष्ठले जिल्लाका व्यवसायीलेको सुविधालाई मध्यनजर गर्दै धुलिखेलमा कर्मचारीसहित आवश्यक उपकरण राखेर सेवा दिने तयारी भईरहेको जनाए । ‘राजश्व तिर्न धुलिखेल पुग्ने जिल्लाका व्यवसायीहरुले धेरै झण्झट बेहोर्नुपरेको गुनासो आएपछि हामीले यसको पहल गरेका हौं’, श्रेष्ठले भने– ‘यसले व्यवसायीहरुलाई सहज हुने हाम्रो ठम्याई छ ।

भवन उद्घाटन कार्यक्रममा भवन निर्माणमा सहयोग गर्ने विभिन्न व्यक्ति तथा संस्थाहरूलाई सम्मान समेत गरिएको थियो । संघका पूर्वअध्यक्ष एवं केन्द्रीय सदस्य कमलकुमार श्रेष्ठ, केन्द्रीय सदस्य नरेशलाल श्रेष्ठ, रामकाजी पौडेल, सुब्बा सुनारलाई कार्यक्रममा सम्मान गरिएको होे ।