चौतारा । निजी तथा आवासीय विद्यालय अर्गनाइजेसन, नेपाल (प्याब्सन) सिन्धुपाल्चोकको आयोजनामा संस्थागत विद्यालयहरुको जिल्ला स्तरीय वक्तृत्वकला प्रतियोगिता जुगल बोर्डिङ्ग हाई स्कुल चौतारामा सम्पन्न भएको छ ।
अंग्रेजी र नेपाली दुबै माध्यममा अलगअलग सञ्चालित प्रतियोगितामा जिल्लाका माध्यमिक तहका संस्थागत विद्यालयहरुको सहभागीता रहेको थियोे । सांस्कृतिक सम्पदाः हाम्रो पहिचान, हाम्रो गौरव विषयक वक्तृत्वकला प्रतियोगिताको दुबै विधामा चण्डेश्वरी इंग्लिस बोर्डिङ्ग स्कुल, खुर्सानीबारी बाह्रबिसेले प्रथम स्थान हासिल गरेको थियोे भने प्रगति अंग्रेजी माध्यमिक विद्यालय मेलम्चीले दोस्रो स्थान हासिल गरेको थियोे ।
प्रतियोगिताको दुबै विधामा चण्डेश्वरी इङलिस बोर्डिङ्ग स्कुल बाह्रबिसेका प्रसिस बस्नेत र नेहा लिम्बूले प्रथम स्थान प्राप्त गरे भने प्रगति अंग्रेजी माध्यमिक विद्यालय मेलम्चीका निकेश कडरिया र युनिका थापाले दोस्रो स्थान प्राप्त गरेका छन् । त्यसैगरी नेपाली माध्यममा केतु बोर्डिङ्ग स्कुल बाह्रबिसेका आशिष पाख्रिन र अंग्रेजी माध्यममा ग्रिनल्याण्ड सेकेन्डरी स्कुल लामोसाँघुका जेनी श्रेष्ठले तेस्रो स्थान प्राप्त गरेका थिए भने सदाबहार एकेडेमीका दिभा थापा र ग्रिनल्याण्ड सेकेन्डरी स्कुल लामोसाँघुका खुशी श्रेष्ठले सान्त्वना जित हात पारेका थिए ।
कार्यक्रममा प्रमुख अतिथि प्याब्सनका केन्द्रीय सदस्य कर्मवांगेल लामा, प्याब्सन वागमती प्रदेश उपाध्यक्ष ऋषिराम नेपाल लगायतले शुभकामना मन्तव्य राखेका थिए भने प्याब्सन बागमती प्रदेश सहसचिव ओमप्रकाश उप्रेतीले स्वागत मन्तव्य प्रस्तुत गरेका थिए । त्यसैगरी निर्णायकको भुमिका नेपाली भाषामा अमित घिमिरे र सुन्दर शिरीष एवम् अंग्रेजी भाषामा दिल कार्की र बिजयकुमार श्रेष्ठले निर्णायकको जिम्मेवारी निर्वाह गरेका थिए ।
प्रतियोगितामा उत्कृष्ट प्रस्तुति सहित पुरस्कृत हुने सहभागीहरुले प्याब्सन वागमती प्रदेशले आगामी श्रावण ३० गते नुवाकोट जिल्लामा हुने प्रदेश स्तरीय वक्तृत्वकलामा सहभागीता जनाउन पाउने प्याब्सन सिन्धुपाल्चोकले जनाएको छ । प्याब्सन सिन्धुपाल्चोकका अध्यक्ष बुद्धिप्रसाद आचार्यको सभापतित्वमा सम्पन्न कार्यक्रमको सञ्चालन प्याब्सन सिन्धुपाल्चोकका सचिव नवराज दनुवारको सञ्चालनमा सम्पन्न भएको थियोे ।
शब्दालय पब्लिकेशन एण्ड मिडिया नेटवर्क प्रा.लि.
कार्यालय: चौतारा, सिन्धुपाल्चोक
फोन: ९८४३४२५३३३ (समाचार शाखा)
९८२८७९६२२२ (बिज्ञापन शाखा)
ईमेल: [email protected]
सम्पर्क कार्यालय: बागबजार, काठमाण्डौ