एमाले वडा अध्यक्षका उम्मेदवारद्वारा खुकुरी प्रहार

मेलम्ची । सिन्धुपाल्चोकको पाँचपोखरी थाङ्पाल गाउँपालिका– ७ बाट एमालेका वडा अध्यक्षका उम्मेदवार सुके तामाङले चुनाव प्रचारप्रसार अभियानमा रहेका नेकपा (माओवादी केन्द्र) निकट युवा संगठन वाईसिएलका सदस्यहरुमाथी खुकुरी प्रहार गरी गम्भीर घाईते बनाएका छन् ।

शनिबार बेलुका तामाङसहित राप्रपाका वडा सदस्य उम्मेदवार देवराज गुरुङको टोलीले चुनावी प्रचारमा रहेका वाईसिइलका जीवन पुरी, विनोद गिरी र रोहित गिरीलाई खुकुरी प्रहार गरी गम्भीर घाईते बनाएका हुन् । उनीहरुले बा९६प ५२२३ नम्बरको मोटर साइकलमा क्षति पुर्याएको नेपाल कम्युनिष्ट पार्टी (माओवादी केन्द्र) जिल्ला समन्वय समिति सिन्धुपाल्चोकले जनाएको छ ।

ज्यान मार्ने आसयले खुकुरी प्रहार गरी हातपात गरिनु निन्दनीय भएको जनाउँदै दोषी माथी कारबाही गर्न माओवादी केन्द्रले आग्रह गरेको छ ।