खानेपानी तथा सरसफाई उपभोक्ता महासंघको नगर अध्यक्षमा श्रेष्ठ

चौतारा । खानेपानी तथा सरसफाई उपभोक्ता सरसफाई महासंघ जिल्ला शाखा अन्र्तगत चौतारा नगरस्तरीय खानेपानी तथा सरसफाई उपभोक्ता समितिहरुको भेलाले अध्यक्षमा श्यामसुन्दर श्रेष्ठ चयन भएका छन् ।

चौतारा साँगाचोकगढी नगरपालिकाको सभहलमा भएको कार्यक्रममा श्रेष्ठको अध्यक्षतामा १५ सदस्यीय समिति चयन गरिएको हो । समितिको उपाध्यक्षमा नारायणदेवी घले, सचिवमा सागर परियार र कोषाध्यक्षमा सानुमाया थापा चयन भएका हुन् । सदस्यहरुमा गुन्गबहादुर तामाङ, रामबहादुर तामाङ, सतिदेवी सापकोटा, प्रिति राई, दलबहादुर दंगाल, अस्मिता श्रेष्ठ, कृष्णबहादुर तामाङ, धनबहादुर श्रेष्ठ, पावर्ती नेपाल, रेस्मा श्रेष्ठ र सुशिलबहादुर माझी सर्वसम्मत चयन भएका हुन् ।

कार्यक्रममा स्वच्छ र सुरक्षित खानेपानी पिउन पाउनु प्रत्येक नागरिकको आधारभूत अधिकार भएकोले समितिको आवश्यकता भएको समितिको निर्वतमान अध्यक्ष सीता थापाले बताईन् । कार्यक्रममा विभिन्न उपभोक्ता समितिका प्रतिनिधिहरू, सरोकारवाला निकायका प्रतिनिधिहरू र सरसफाई क्षेत्रमा सक्रिय व्यक्तिहरूको उल्लेख्य उपस्थिति रहेको थियो ।