टेबलटेनिस प्रतियोगितामा श्रेष्ठ र तामाङ भए प्रथम

चौतारा । सिन्धुपाल्चोकको चौतारामा नगरस्तरीय महिला टेबलटेनिस योजना गरिएको छ ।

प्रतियोगितामा महिलातर्फ बबिता श्रेष्ठ प्रथम, सुमीक्षा तामाङ द्वितीय र दीपा प्रधान तृतीय भए । त्यस्तै, अन्डर–१४ वर्गमा साइमन तामाङले प्रथम स्थान हात पारे भने प्रदीप काफ्ले द्वितीय र प्रसन्न श्रेष्ठ तृतीय भए ।

‘द बुक प्रोजेक्ट’को सहयोगमा महिला तथा किशोरी टेबलटेनिस क्लबको आयोजना र सिन्धुपाल्चोक टेबलटेनिस संघको संयोजनमा आयोजित नगर स्तरीय टेबलटेनिस प्रतियोगिता चौतारामा भएको हो । प्रतियोगिताको उद्घाटन जिल्ला खेलकुद विकास समितिका अध्यक्ष रामकृष्ण दंगालले गरेका थिए ।

कार्यक्रममा क्लब अध्यक्ष सीता श्रेष्ठ कसजूले सभापतित्वमा भएको थियो क्लबले प्रतियोगिता सफल बनाउन सहयोग पुर्याउने डा. रोजा र निर्मला श्रेष्ठलाई मायाको चिनो प्रदान गरिएको थियो । आयोजकका अनुसार यो प्रतियोगिताले स्थानीय महिला तथा किशोरी खेलाडीलाई टेबलटेनिसमा थप उत्साहित बनाउने विश्वास गरिएको छ ।