क्यानको साधारणसभासँगै अभिमुखीकरण एवम् नगर आईटी क्लब गठन

चौतारा । कम्प्यूटर एशोसिएशन नेपाल महासंघ (क्यान महासंघ) सिन्धुपाल्चोकले १४औं वार्षिक साधारणसभा सदरमुकाम चौतारामा सम्पन्न गरेको छ ।

साधारणसभा क्यान सिन्धुपाल्चोकका सचिव मणिसुन्दर कोईरालाले प्रगति प्रतिवेदन प्रस्तुत गरेका थिए । उनले क्षमता अभिवृद्धि कार्यक्रम, साईबर सेक्युरिटी सम्बन्धी अन्र्तक्रियाजस्ता गतिविधिहरु गर्दै आएको उल्लेख गर्दै भावी कार्यविवरणसमेत प्रस्तुत गरेका थिए । त्यस्तै कोषाध्यक्ष सुभाष श्रेष्ठले आर्थिक प्रतिवेदन प्रस्तुत गरेका थिए ।

साधारणसभाको अवसरमा तथा आईटी क्लब निर्माण र डिजिटल लिट्रेसीबारे अभिमुखीकरण समेत गरिएको थियो । सौरभ कार्कीको अध्यक्षतामा १५ सदस्यीय आईटी क्लब निर्माण गरिएको छ । जसमा उपाध्यक्ष सुसान्त श्रेष्ठ, सुनिमा श्रेष्ठ, सचिवमा अभिशेष भुजेल, सहसचिवमा साक्षी श्रेष्ठ र कोषाध्यक्षमा विकी पौड्याल निर्वाचित भएका छन् ।

सदस्यहरुमा आयुष कुँवर, राज गौतम, सन्ध्या ढुङ्गाना, रमिला श्रेष्ठ, रक्षा रसाईली, श्रेया पराजुली निर्वाचित भए भने संरक्षक शिक्षकमा नवराज सापकोटा निर्वाचित भएका हुन । दुरगामी उदेश्यसहित सूचना प्रविधि प्रयोगात्मक शिक्षामा सहयोग गर्न उद्देश्यले नगर भित्रका २३ वटा सामुदायिक विद्यालयका विद्यार्थी सम्मिलित क्लब गठन गरिएको क्यान सिन्धुपाल्चोकका सह–सचिव सुवास कँुवरले बताए ।

चौतारा साँगाचोकगढी नगरपालिकाको प्रमुख कृष्णप्रसाद सापकोटाको आथित्यतामा भएको कार्यक्रममा क्यान महासंघका केन्द्रिय उपाध्यक्ष शेखरनाथ दुलाल, नगर युवा खेलकुद तथा शिक्षा शाखाका राजु पराजुली लगायतले आईटी क्षेत्रको चर्चा गर्दै यसको विकासमा जोड दिनुपर्ने बताए । कार्यक्रम क्यान सिन्धुपाल्चोकको अध्यक्ष दीपक थापाको अध्यक्षतामा भएको थियो ।