मेलम्ची नगर र जगदम्बा सिमेन्टबीच सहकार्य

मेलम्ची । मेलम्ची नगरपालिका र जगदम्बा सिमेन्टबीच सामाजिक सुरक्षामा सहकार्य गर्ने विषयमा छलफल भएको छ ।

मेलम्ची नगरपालिकाका प्रमुख डम्बर अर्याल, उपप्रमुख भगवती नेपाल तथा जगदम्बा सिमेन्टका ब्रान्ड म्यानेजर जगन्नाथ दाहाल र सेल्स म्यानेजर नवराज भुर्तेल बीच सामाजिक सुरक्षामा सहकार्य गर्ने बवषयमा छलफल भएको हो । सोमबार विशेष भेटघाट कार्यक्रममा सिमेन्टका तर्फबाट नगरपालिकालाई स्वस्थ्य सामग्री कीट तथा शुद्ध पानीको लागी वाटर डिस्पेन्सर हस्तान्तरण गरिएको नगरपालिकाका सूचना अधिकारी जीतबहादुर कार्कीले जानकारी दिए ।

नगरपालिका प्रमुख अर्यालले सहकार्य र सहयोगका लागि धन्यवाद दिँदै संस्थागत सामाजिक उत्तरदायित्व सबैले बुझ्ने र पूरा गर्ने हो भने राष्ट्र समृद्ध हुन धेरै समय नलाग्ने विश्वास व्यक्त गरे ।