न्याय माग्दै विद्यार्थीद्वारा प्रदर्शन

काठमाडौं । सिन्धुपाल्चोकको त्रिपुरासुन्दरी गाउँपालिका वडा २ की छात्राको बसको ठक्करबाट मृत्यु भएको विषयमा नेविसंघले प्रदर्शन गरेको छ।

कोटेश्वर बहुमुखी क्याम्पसमा बिएड प्रथम वर्षमा अध्ययनरत छात्रा अन्जु दाहालको बुधवार बिहान क्याम्पस जाने क्रममा ललितपुरको बागडोलमा सुमोको ठक्करबाट मृत्यु भएको थियो। घटनाको छानबिन, सवारी चालकलाई कानुनी कारवाही र  पीडित परिवारजनमा उचित  राहत र क्षतिपूर्तिको माग गर्दै कोटेश्वर चोकमा विद्यार्थीहरुले प्रदर्शन गरेका हुन्। कोटेश्वर चोकबाट शुरु भएको र्‍याली बालकुमारी चोकमा सभा पछि समापन भएको थियो।

नेपाल विद्यार्थी संघका महामन्त्री बलदेव तिमल्सिनाले विद्यार्थीहरु दिन प्रतिदिन असुरक्षित बन्दै गएको उल्लेख गर्दै कलेजबाट घर जाने क्रममा जेब्रा क्रसिङमै ठक्कर दिई मृत्यु भएको घटनालाई दुर्घटना नभै हत्या भएको र आजसम्म चालक र सवारी धनीलाई कारबाही नगरिनु प्रहरी प्रशासनको गम्भीर लाहप्रबाही भएको बताए।

सभालाइ कोटेश्वर क्याम्पसका प्रमुख गोबिन्द कार्की, अखिलका केन्द्रीय सदस्य रबिन बस्नेत, स्ववियु सभापति माधव अधिकारी, नेबिसंघ कोटेश्वर क्याम्पसका अध्यक्ष दिनेश कार्कीलगायतले सम्बोधन गर्दै दोषीलाइ कडा करबाहिको माग गरे।