उत्कृष्ट कार्य गर्ने ६ महिला प्रहरी पुरस्कृत

चौतारा । जिल्ला प्रहरी कार्यालय सिन्धुपाल्चोकले उत्कृष्ट कार्य गर्ने ६ महिला कर्मचारीलाई पुरस्कृत गरेको छ ।

१ सय ११औं महिला दिवसको अवसरमा जिल्ला प्रहरी कार्यालय सिन्धुपाल्चोक मातहत कार्यालयहरु कार्यरत ६ जना महिला प्रहरी कर्मचारीहरुले पुरस्कृत गरिएको प्रहरी नायव उपरीक्षक प्रकाश सापकोटाले जानकारी दिए । पुरस्कृत हुनेहरुमा प्रहरी हवल्दार बिमला पोखरेल, प्रहरी हवल्दार अम्बिका भण्डारी, प्रहरी जवान मनमाया गुरुङ, प्रहरी जवान बिना दरै, प्रहरी जवान प्रतिमा लामा र प्रहरी जवान सुस्मिता सापकोटा रहेका छन् ।

आ–आफ्नो कार्यक्षेत्रमा सुम्पिएको जिम्मेवारी ईमान्दार र अनुशासित भई उत्कृष्ट ढंगबाट कार्य सम्पादन गरेको कदर स्वरुप नगदसहित पुरस्कृत गरिएको हो ।