क्याम्पसको अत्याधुनिक भवन उद्घाटन

नुवाकोट । बेल्कोटगढी नगरपालिका– २ कुमारीमा ‘कुमरी नमूना क्याम्पस’को अत्याधुनिक आठ कोठे पक्की भवन उद्घाटन गरिएको छ ।

लायन्स क्लब अन्तर्राष्ट्रिय फाउण्डेशनको आर्थिक तथा प्राविधिक सहयोग तथा लायन्स क्लब काठमाडौं मिर्मिरेको संयोजनमा निर्मित क्याम्पसको कुल लागत १ करोड ९२ लाख ११ हजार ३ सय २९ रुपैंया रहेको छ । भूकम्प पछिको पुनर्निर्माण अन्तरगत नेपालमा ‘Relief And Reconstruction Committee’ को लायन्स क्लब अन्तर्राष्ट्रिय बहुजिल्ला ३२५ ले गठन गरि नेपालमा ३० भन्दा बढी स्कुल कलेजको पुनर्निर्माण गरिसकेको छ ।

नवनिर्मित सामुदायिक कलेजको परियोजनाका प्रमुख गिरधारी शर्मा भुसालले एक कार्यक्रमका बीच उक्त भवनको उद्घाटन तथा हस्तान्तरण गरेका हुन् ।हस्तान्तरण समारोहमा स्थानीय जनप्रतिनिधि, राजनीतिक दल, विभिन्न विद्यालय, संघसंगठनका पदाधिकारी, समुदायको उल्लेखनीय उपस्थिति तथा स्थानीय झाँकी, भजन, ख्यातिप्राप्त दोहोरी कलाकारको उपस्थिति रहेको थियो ।