किसानलाई अनुदानमा हाते ट्याक्टर वितरण

चौतारा । चौतारा साँगाचोकगढी नगरपालिकाले किसानलाई अनुदानमा हाते ट्याक्टर वितरण गरेको छ ।

चौतारा साँगाचोकगढी नगरपालिका- ४ कुबिन्डेका किसानलाई ५० प्रतिशत अनुदानमा हाते ट्याक्टर वितरण गरिएको  वडाअध्यक्ष चुडामणी नेपालले जानकारी दिए । हाते ट्याक्टर बितरण कार्यक्रममा चौतारा साँगाचोकगढी नगरपालिकाका प्रमुख अमानसिं तामाङ लगाएतको सहभागीता रहेको थियो ।

चौतारा साँगाचोकगढी नगरपालिकाले कृषि, पशु तथा दुग्ध उत्पादनमा आत्मनिर्भर भइ आफ्ना उत्पादन निर्यात गरिरहेको छ ।स्थानीय सरकार आएपछि मात्रै १६८ वटा हाते ट्याक्टर बितरण गरिसकेको वडा नं ४ ले यसपालि ५६ वटा वितरण गरिसकेकाे राेहित शर्माले जानकारी दिए ।