वाईसीएलको जिल्ला सम्मेलन वैशाख २१ मा हुने

चौतारा । नेपाल कम्युनिस्ट पार्टी माओवादी केन्द्रको सहायक संगठन वाईसीएल नेपाल सिन्धुपाल्चोकको सम्मेलन वैशाख २१ गते हुने चएको छ ।

आसन्न पाँचौ जिल्ला सम्मेलनलाई लक्षित गरि वाईसीएलले वडा/पालिका स्तरमा गतिबिधी सुरु गरेको छ । नेकपा एमाले र माओवादीबीचको एकता भङ्ग भएपछि वाईसीएलले आफ्नो संगठन विस्तर र सुदृढीकरण गर्ने कार्य अगाडि बढाएको हो । २१ गते जिल्लाको सुकुटेमा सम्मेलन हुने वाईसीएल नेपाल सिन्धुपाल्चोकका १ नम्बर निर्वाचन क्षेत्र संयोजक सुमित काफ्लेले जानकारी दिए ।

सम्मेलन भन्दा अगाडी १ सय ३ ओटै वडा, १२ ओटै पालिकाको भेला सम्मेलन सक्ने र सम्मेलनमा जिल्लाभरबाट ४ सय भन्दा बढि प्रतिनिधि, पर्यवेक्षक सहभगी हुने वाईसिएलले जनाएको छ । ‘यो सम्मेलन विधि, प्रक्रिया सहितको राजनीतिक संस्कार, दक्षता सहितको युवा जनशक्ति उत्पादन, उध्यम, उत्पादन, स्वरोजगार र रोजगरीका लागि निर्णयक हुने काफ्लेले बताए । सम्मेलनलाई मध्यनजर गरी वडावडामा भेला सम्मेलन चलिरहेको उनको भनाई छ ।

चैत २१ मा बलेफीबाट सुरु भएको पालिका सम्मेलन बैशाख १५ सम्ममा सकिने जनाईएको छ ।