६ करोडमा बुद्धपार्क बन्दै, सभामुखले गरे शिलान्यास

चौतारा । सिन्धुपाल्चोकको चौतारा साँगाचोकगढी नगरपालिका वडा नं. ५ मा ६ करोड २१ लाख ५३ हजार ७ सय ८८ रुपैंया लागतमा बुद्ध पार्क बन्ने भएको छ ।

सदरमुकाम चौतारा स्थित भगवति सामुदायिक बन क्षेत्रमा पार्क निर्माण हुन लागेको हो । भ्यू टावर सहित बन्ने बुद्ध पार्कको सोमबार सभामुख अग्निप्रसाद सापकोटाले शिलान्यास गरेका छन् । पार्कको शिलान्यास गर्दै सापकोटाले चौताराको प्रशिद्धिलाई राष्ट्रिय अन्र्तराष्ट्रियकरण गर्न यसले मद्दत पु¥याउने बताए । ‘चौताराको आफ्नो छुट्टै पहिचान छ, सौन्दर्यता छ’, त्यसलाई थप निखारता यो बुद्ध पार्कले ल्याउनेछ ।’ पार्कमा बहुआयामिक क्षेत्र समेटिने भएका कारण पनि थप आकर्षण रहने उनले बताए ।

बुद्ध पार्कभित्र भ्यू टावरसहित ६५ फीट अग्लो बुद्धको प्रतिमा राखिने जनाईएको छ । पार्क पुग्नको लागि दारेगौंडाको फेदीबाट सिँढी निर्माण सुरु गरिएको छ । १ हजार सिँढी पार गरेर पार्क पुग्दा छुट्टै आनन्द आउने बागमती प्रदेशका निवर्तमान सामाजिक विकास मन्त्री युवराज दुलालले बताए ।

‘बुद्ध पार्कको शिलान्यासपछि निर्माणबद्ध विकासको योजना सुरुवात भएको छ’, दुलालले भने– ‘चौताराको विकासले जिल्लाकै विकासको प्रतिनिधित्व गर्ने भएकोले पनि यसको विशेष महत्व छ ।’ सदरमुकाम र आसपासको क्षेत्रको आर्थिक उपार्जनमा टेवा पु¥याउने उद्देश्यले नयाँ पर्यटकीय गन्तव्य निर्माण हुनु स्वागतयोग्य भएको बताउँदै दुलालले बागमती प्रदेशको मानव विकास सूचाङ्कमा सिन्धुपाल्चोक १२औं नम्बरमा परेको कारण विकासका ठूला योजना ल्याउनुपर्ने बताए । त्यसको लागि पर्यटन क्षेत्रको विकास आवश्यक रहेको उनको भनाई छ ।

पार्कको निर्माण २०७९ जेठ २२ गतेसम्ममा सक्ने लक्ष्य लिईएको छ । पार्क निर्माणको ठेक्का निर्माण व्यवसायी उमा काली प्रसिन जेभी काठमाण्डौ पाएको छ । २०७८ वैसाख १० गते पार्क निर्माणको ठेक्का सम्झौता गरिएको थियो । पार्कमा वाल उद्यान, योगास्थल, शैचालयलगायतको संरचना निर्माण हुने जनाईएको छ ।

पर्यटकीय दृष्टिकोणबाट चौतारा साँगाचोकगढी नगरपालिका अब्बल बन्दै गईरहेको जनाउँदै नगर प्रमुख अमानसिं तामाङले बुद्ध पार्कले थप ईंटा थप्ने बताए । ‘यहाँका नागरिकलाई जीवनस्तरलाई गुणस्तरीय बनाउनु मूख्य उद्देश्य हो’, नगर प्रमुख तामाङले भने– ‘आम्दानीको स्रोत बढाउँदै आन्तरिक र बाह्य पर्यटकलाई भित्राउन बुद्ध पार्कले टेवा पु¥याउने हाम्रो विश्वास छ ।’ शिलान्यास समारोहमा नगर उपप्रमुख जानुका पराजुलीले आगामी वर्षमा पार्क निर्माण सक्न नगरपालिकाले दृढ भएर लाग्ने बताईन । ‘यो नगरकै महत्वको योजना हो, त्यसकारण समयमै सक्नको लागि हामी निरन्तर लाग्नेछौं’, उनले भनिन् ।