एमालेद्वारा बलेफीका अध्यक्ष क्षेत्रीलाई चेतावनी

बलेफी । नेपाल कम्युनिष्ट पार्टी (एमाले) बलेफी गाउँपालिका कमिटीले सिन्धुपाल्चोकको बलेफी गाउँपालिकाका अध्यक्ष केदार क्षेत्रीलाई पार्टी हित विपरित कार्य नगर्न चेतावनी दिएको छ ।

जेठ १६ गते गाउँ कार्यपालिकाको बैठकमा अध्यक्ष क्षेत्रीले गैरजिम्मेवारपूर्ण हर्कत गरेको भन्दै सूर्य चिन्ह लिएर जननिर्वाचित भएका कोही कसैलेपनि पार्टी हित विपरीतका गतिविधिमा लाग्नु पार्टी अनुशासन विपरित रहेको कमिटीले जनाएको छ । कमिटिले वडा नम्बर ७ का वडाध्यक्ष कार्केल लामामाथि बैठकमा भएकोे दुव्र्यवहारको भत्र्सना समेत गरेको छ ।

‘कार्यपालिकाको बैठकमा गाउँपालिका अध्यक्ष केदार क्षेत्रीको गैरजिम्मेवारपूर्ण हर्कतप्रति नेकपा एमाले बलेफी गाउँपालिका कमिटीको गम्भीर ध्यानाकर्षण भएको छ’, एमालेका बलेफी गाउँपालिका कमिटी अध्यक्ष डम्बर थापाद्वारा जारी प्रेस विज्ञप्तीमा भनिएको छ– ‘फरक राजनीतिक विचारका आधारमा गाउँपालिका अध्यक्ष केदार क्षेत्रीले वडा नम्बर ७ का वडाध्यक्ष कार्केल लामाप्रति कार्यपालिका बैठकमै गरेको दुव्र्यवहार खेदजनक छ, हामी यस्ता हर्कतको घोर भत्र्सना समेत गर्दछौं ।’

अध्यक्ष क्षेत्रीले कार्यपालिका बैठकमा वडाध्यक्ष लामामाथी कार्वाहीको प्रस्ताव ल्याएको र सो प्रस्ताबमा वडाध्यक्षहरुले प्रतिवाद गरेको थिए । ‘गाउँपालिका अध्यक्ष मात्र सर्वेसर्वा होईन, वडाध्यक्ष पनि उहि विधि प्रक्रिया र निर्वाचनबाट जननिर्वाचित प्रतिनिधि हुन् व्यक्तिगत रिसईवी, ईगो र आवेगमा आएर वडाध्यक्षमाथि कार्यपालिका बैठकमै कार्वाहीको प्रस्ताव आफैमा प्रचलित कानुन र स्थानीय सरकार संचालन ऐन विपरित छ’ विज्ञप्तीमा भनिएको छ– ‘आवेग र उत्तेजनामा बहकिएर यस्ता हर्कतहरु नगर्न हामी गाउँपालिका अध्यक्षलाई चेतावनी समेत दिन्छौं ।’