माओवादी केन्द्रले बाँड्यो वडाभर पौष्टिक आहार

बतासे । नेकपा (माओवादी केन्द्र) चौतारा साँगाचोकगढी २ वडा कमिटीले वडा भरका कोरोना संक्रमितरुलाई पौष्टिक आहार र स्वास्थ्य सामग्री वितरण गरेको छ ।

कोरोनाको दोस्रो भेरियण्टसँगै वडामा संक्रमितको संख्या बढेको बेला पौष्टिक आहार र स्वास्थ्य सामग्री वितरण गरेको हो । संक्रमितलाई सर्जिकल मास्क, केएन् ९५ मास्क, अण्डा र गेडागुडी वितरण गरेको माओवादी केन्द्रका नेता सुमित काफ्लेले बताए ।
सो वडामा ६९ जना कोरोना संक्रमित छन् ।

साथै वडाको स्वास्थ्य चौकीलाई थर्मल गन, केएन् ९५ मास्क, सर्जिकल मास्क, फेस सिड, पिपिइ सेटलगायत सामग्री समेत हस्तान्तरण गरिएको छ ।