अपडेटः दुईको शव फेला, उद्दार कार्य जारी

मेलम्ची । अविरल वर्षापछि मंगलबार साँझ मेलम्चीमा आएको बाढीले बगाएका २ जनको शव फेला परेको छ ।

हालसम्म २ जनाको मात्रै शव फेला परेको जिल्ला प्रहरी कार्यालयका सूचना अधिकारी प्रकाश सापकोटाले जानकारी दिए । बाढीले बगाएका कम्तिमा ५ जना सम्पर्कविहीन रहेको प्रहरीले जानकारी दिएको छ । यस्तै नेपाली सेनाले मेलम्ची बजारका घरमा फसेर बसेका ४ जनालाई हेलिकप्टर मार्फत उद्दार समेत गरिसकेको छ ।

मेलम्ची खोलमा आएको बाढीले मेलम्चीको हेडवर्कस निर्माणमा संलग्न चिनियाँ कामदार बसेको मेलम्चीको ड्यामभन्दा करीब तीनसय मिटर तल रहेको क्याम्प बगाएको छ । साथै हेलम्बुमा माछा फर्मसँगै बाढीले केही मानिस बगाएको हुन सक्ने र उनीहरु सम्पर्कमा नआएको सिन्धुपालचोकका प्रमुख जिल्ला अधिकारी अरुण पोखरेलले जानकारी दिए ।