बलेफीमा जनप्रतिनिधिद्वारा बैठक बहिस्कार

बलेफी । आ.ब.२०७८/७९ को नीति तथा कार्यक्रम तर्जुमा गर्न बसेको बलेफी गाउँपालिकाको कार्यपालिका बैठकमा पालिका अध्यक्षले जनभावना विपरित निर्णय गर्न खोजेको भन्दै जनप्रतिनिधिले बैठक बहिस्कार गरेका छन् ।

वडा नं. २ का अध्यक्ष छविलाल न्यौपाने, ३ का अध्यक्ष बीरमान तामाङ, ४ का अध्यक्ष कालीप्रसाद लामा, ६ का अध्यक्ष चित्रबहादुर तामाङ, ७ का अध्यक्ष कार्केल लामा र ८ का अध्यक्ष चरिबहादुर तामाङले विज्ञप्ती जारी गरी बैठक बहिस्कार गरेको जनाएका हुन् । त्यस्तै कार्यपालिका सदस्य रिना तिमल्सिना, नैनाकुमारी तामाङ, बाबुकाजी भुजेल, शरद बि.क. चन्द्रमाया सार्की र इश्वरी भण्डारीले पनि बैठक बहिस्कार गरेका छन् । कुल १६ जनप्रतिनिधि मध्ये १२ जनाले असहमति जनाउँदै बैठक बहिस्कार गरेका हुन् ।

‘अध्यक्षद्वारा प्रस्तुत नीति तथा कार्यक्रम सदस्यहरूको प्रस्ताव र सुझावलाई वेवास्था गरि जनभावन विपरित भएकोले बैठक बहिस्कार गरेका छौं’, जारी विज्ञप्तीमा भनिएको छ– ‘आगामी बैठकमा न्यायोचित किसिमले सबै सदस्यहरूको प्रस्ताव तथा अनभावनानुसारको नीति तथा कार्यक्रम सबैको सहमतिमा प्रस्तुत नभएसम्म हामी असर्मथन गर्दै सम्पूर्ण पालिकावासीहरूको हित र न्यायको लागि निरन्तर संघर्ष गर्ने प्रतिबद्धता जाहेर गर्दछौं ।’

आफू अनुकुल मात्रै काम गर्ने आरोप लागेका गाउँपालिका अध्यक्ष केदार क्षेत्री यस अघि पनि पटक पटक विवादमा मुछिदै आएका छन् ।

हेर्नुस् विज्ञप्तीः