सिन्धुपाल्चोक भयो कोरोना मुक्त जिल्ला

चौतारा । सिन्धुपाल्चोकमा कोरोनाको दोस्रो लहरमा संक्रमित हुनेको संख्या शून्य भएको छ ।

जिल्ला स्वास्थ्य कार्यालयको तथ्याङ्क अनुसार सोमबार जिल्लाका १२ वटै पालिकामा नयाँ संक्रमित नदेखिएको हो । ‘आज जिल्लाका कुनै नागरिकमा पनि संक्रमण देखिएन’, स्वास्थ्य कार्यालय सिन्धुपाल्चोकका बरिष्ठ जनस्वास्थ्य अधिकृत दुर्गादत्त चापागाईंले भने ।

सोमबार जिल्लाभरबाट ५६ जना डिस्चार्ज भएका छन् । कोरोनाको दोस्रो लहरमा सिन्धुपाल्चोकका ३ हजार ९ सय १५ संक्रमिति भएका थिए । सो मध्ये हालसम्म ३ हजार ४ सय ८८ जना डिस्चार्ज भईसकेका छन् । दोस्रो लहरमा कोरोना संक्रमणबाट हालसम्म ३० जनाको मृत्यु भएको छ ।

कोरोना संक्रमण शून्य भएको भन्दै गाउँपालिका महासंघ नेपालका सचिव वंशलाल तामाङले सबै सरोकारवाला निकायलाई धन्यवाद ज्ञापन गरेका छन् । उनले सामाजिक सञ्चाल फेसबुकमा लेखेका छन्– ‘संक्रमितहरूको उपचारमा खटिने डाक्टरहरु एवं सबै स्वास्थ्यकर्मी तथा कर्मचारी साथीहरूलाई धन्यवाद । सहयोग गर्ने जनप्रतिनिधिसाथीहरु, राजनीतिकदलका नेता तथा जनप्रतिनिधिज्यूहरु, बिभिन्न गैर सरकारी संघ संस्थाहरु, उद्योग वाणिज्य संघका पदाधिकारीज्यूहरु, शिक्षकहरु स्वयमसेवकहरु, पत्रकार साथीहरु सबैलाई महत्वपूर्ण सहयोगको लागी हार्दिक धन्यवाद ।’

हेर्नुस् तथ्याङ्कः