मेलम्ची बाढी पीडितलाई ५० हजार उपलब्ध गराउने प्रधानमन्त्रीको घोषणा

मेलम्ची । प्रधानमन्त्री केपी शर्मा ओलीले मेलम्ची बाढी पीडितलाई तत्काल प्रति परिवार ५० हजार राहत दिईने घोषणा गरेका छन् ।

हेलम्बु गाउँपालिका स्थित गणेशे बगरमा आयोजित कार्यक्रममा बाढीबाट क्षति पुगेका ३ सय ६६ घरपरिवारलाई सरकारले प्रतिपरिवार ५० हजार दिने बताएका हुन् । उनले तत्काल पीडित परिवारलाई ५० हजारको दरले राहत उपलब्ध गराउने बताउदै निर्माणका लागि हिमाली भेगमा ५ लाख, पहाडी भेगमा ४ लाख र तराइ भेगामा ३ लाख उपलब्ध गराउने प्रतिबद्धता समेत ब्यक्त गरे ।

असार १ गते मेलम्ची खोलमा आएको बाढीको निरीक्षणका क्रममा ओली अहिले बाढीग्रस्त क्षेत्र हेलम्बुबाट फर्किएर मेलम्चीको निरीक्षण गरेका छन् । निरीक्षण पछि ओलीले पीडित परिवारलाई १५ सय बण्डल जस्तापाता उपलब्ध गराउने पनि बताए । प्रधानमन्त्री ओलीले बाढीले भत्काएको पुल, विद्यालय सरकारले बनाउने घोषणा गरे । उनले घाइतेको उपचार सरकारले गर्ने बताउदै पुनः निर्माणको काममा सरकारको ध्यान गएको बताए ।