हेलम्बुका बाढी प्रभावितलाई सहयोग

ग्लोबलपाटीप्रकाशित मिति: २०७८ अषाढ ३१, बिहिबार (२ साल अघि)

८७७ पाठक संख्या

217344672_626043451707860_6315289524266361092_n

हेलम्बुका बाढी प्रभावितलाई जस्तापाता सहयोग गर्दै आमोर्ट नेपालका प्रतिनिधि ।

हेलम्बु । बाढी प्रभावितलाई आमोर्ट नेपालले सहयोग गरेको छ ।

प्रभावितहरुको आवास निर्माणमा टेवा पुर्याउने उद्देश्यले सो संस्थाले ३२ एमएमको १ सय थान जस्तापाता सहयोग गरेको हो । सहयोग सामग्री आमोर्ट नेपालकी सचिव सोफिया कार्की लगायतको टीमले हेलम्बु गाउँपालिकालाई हस्तान्तरण गरेको हो । हेलम्बु गाउँपालिकाका नायव सुब्बा चण्डिका श्रेष्ठले सहयोग सामग्री ग्रहण गरेका थिए । संस्थाले स्वास्थ्य, शिक्षा लगायतका क्षेत्रमा निरन्तर रुपमा सहयोग गर्दै आईरहेको छ ।

असार १ गते आएको बाढीले हेलम्बु गाउँपालिका र मेलम्ची नगरपालिकाका इन्द्रावती करिडोरका सयौं घर तथा दर्जनौं बस्तीमा क्षति पुर्याएको थियो । हेलम्बुको भेर्माथाङमा पहिरो जाँदा गएको बाढीले हेलम्बुका किउल, तिम्बु, चनौटे, तालामाराङ, ग्याल्थुम, पाल्चोकबेसी क्षेत्रका घर तथा बस्तीमा क्षति पुगेको गाउँपालिका अध्यक्ष निमा ग्याल्जेन शेर्पाले बताए । मेलम्चीको पुलबजार क्षेत्रका अधिकांश घरमा क्षति पुगेको छ । मेलम्चीमा मात्रै १ सय ९५ भन्दा बढी घरमा क्षति पुगेको नगरपालिकाका प्रमुख डम्बरबहादुर अर्यालले बताए ।

त्यस्तै हेलम्बु गाउँपालिका वडा नम्बर १ का बाढी प्रभावितहरुको लागि लायन्स क्बल अफ काठमाडौंले सहयोग गरेको छ । हेलम्बु १ मगर गाउँका ४५ घर धुरीलाई खाद्यान्न लगाायत सामग्री वितरण गरिएको क्लबका सक्रिय सदस्य राजेश हिमालयले जानकारी दिए । लायन्स क्बल अफ काठमाडौं फेलोसिपको सक्रियता र ताइवान बासी नेपालीको सहयोगमा प्रतिपरिवार चामल १ बोरा, दाल, क्वाटी, ५÷५ केजि नुन, मस्यौरा लत्ताकपडा लगायतको सामग्री वितरण गरिएको हो । कार्यक्रममा हिमालय सँगै युवराज गिरी, गणेश राना, किरण भुजेल, मिलन श्रेष्ठ, मेनुका कटुवाल, र काठमाडौं तरुण दलका नेता सहभागि भएका थिए ।

समाचार