आगो

(कुनै जीवित वा मृत्त व्यक्तिको जीवनमा मेल नखाएमा मात्र संयोग हुने छ)

उसकै एउटा प्रतिछायाँले भन्यो–

निर्मम सत्य, (जो तपाई स्वीकार्न सक्नु हुन्न र अरुलाई दोष दिनुहुन्छ) पुरुष आफू स्वयम् जति सुकै व्यभिचारी, नैतिकहिन, पतित भए पनि आफ्नो पत्नी र प्रेमिका नैतिक चरित्रवान र अस्मितावान् नै खोज्छ र परीक्षा लिन्छ पत्नी र प्रेमिकाको । जब कौमारित्वमा निच ठहरिन्छे, अपवित्र ठहरिन्छे अनि परित्याक्त गर्छ पुरुष, पत्नी अथवा प्रेमिकालाई ।

झट्ट हेर्दा मासुको कुरो लाग्छ, फोहर विसर्जन गर्ने यौनाङ्गको तुच्छ कुरो लाग्छ अपितु त्यो आत्मसम्मानको विषय हुन्छ, शिर ठाडो पर्ने गौरवको विषय हुन्छ पुरुषका लागि । भलै ऊ कयौंसँग सुतेको हुन्छ वा उसले सुताएको हुन्छ ।

अतः विवाह अगाडि आफ्नै प्रेमी वा विवाह हुन लागेको पुरुषसँगै किन नहोस् यौन समर्पण गर्नु भनेको कुनै न कुनै दिन, आज नभए भोली अग्नीदाहमा होमिनु हो । यस विषयले आगो नलगाई छाड्दैन ।

यो त कलियूग हो । त्रेतायुगैमा त सीताले अग्नी परीक्षा दिनु परेको थियो।

त्यसपछि उसको जेहनमा धेरै थोक घुम्यो । वैईमान प्रेमिले गरेको यौन सम्पर्क । प्रेमिलाई म्याजेन्जरमा पठाएको स्तनका, यौनाङ्गका फोटोहरु, अश्लील, भद्दा म्यासेजहरु… अनि चारैतिर वदनामी, वेइज्जती, वर्वादीको आगो ।