प्रिमियर सो को तयारीमा ‘बदला रिर्टन्स्’

काठमाण्डौ । प्रेमकथा र द्वन्दप्रधान चलचित्र ‘बदला रिटर्नस्’ निर्माण टोली प्रिमियर सो को तयारीमा जुजेको छ ।

सानो पर्दामा छुट्टै छवि बनाएका कलाकार एवम् निर्देशक घनश्याम तिमल्सिना ‘एन्टिना’ द्वारा निर्देशित चेतनामूलक चलत्रित्र पूर्बी पहाडी जिल्ला सङ्खुवासभाका विभिन्न क्षेत्रमा छायाङ्कन गरिएको थियो । ‘सम्पादनको काम सकेर हामी ‘प्रिमियर सो’ को तयारीमा छौं’, निर्देशक तिमल्सिनाले भने– ‘छिट्टै मिति तय गर्नेछौं ।’ चलचित्रमा चलचित्रमा कल्याण घले, शशी राई, जीवन श्रेष्ठ, प्रेम बस्याल, गिताञ्जली बलायर, किशोर घले आदि कलाकारको अभिनय रहेको छ ।

तिब्र खबर मिडिया ग्रुपद्वारा निर्माण भएको चलचित्रमा प्रेम बस्यालको कथा तथा लक्ष्मी सिवाकोटी निर्जलाको पटकथा रहेको छ भने संगीत सुर्य दनुवार राईको छ । त्यस्तै द्वन्द्व सुरज श्रेष्ठको छ भने चलचित्रको छायांकन मोहनिश श्रेष्ठ, सम्पादन बिश्वास भण्डारीले गरेका छन् ।

निर्देशक तिमल्सिनाले १४ वर्ष पहिले चलचित्र ‘छापामार’ निर्देशन गरेका थिए । चलचित्र ‘बदला रिटर्नस’ सबै वर्गका दर्शकहरुको लागि बनेको बताउँदै निर्देशक तिमल्सिनाले आपूmले निर्देशन गरेका अघिल्ला चलचित्रजस्तै यो चलचित्रलाई पनि दर्शकले माया गर्ने विश्वास व्यक्त गरे ।