रिलायबल इन्स्योरेन्स पाँचौ वर्षमा प्रवेश

चौतारा । रिलायबल नेपाल लाइफ इन्स्योरेन्स कम्पनी ४ वर्ष पूरा गरि ५औं वर्षमा प्रवेश गरेको छ ।

चौथो वार्षिकोत्सबको अवसरमा कम्पनीले प्रधान कार्यालय काठमाडौमा केक काटी रक्तदान कार्यक्रम समेत गरेको छ भने देश भरिका शाखा तथा उपशाखा कार्यालयहरुमा केक काटेर वार्षिकोत्सव मनाएको छ ।

त्यस्तै चौतारा शाखाले पनि वडा अध्यक्ष, सोही कम्पनीका रिजनल म्यानेजेर, जिल्लामा रहेका कर्यायलय प्रमुखहरु, बैंक तथा बित्तिय संस्थाका प्रमुखहरू, बिमित एवम् अभिकर्ताहरुको सहभागितामा संयुक्त रुपमा केक काटेर मनाएको हो ।

सो अवसरमा चौतारा साँगाचोकगढी नगरपालिका– ५ का वडा अध्यक्ष नरमान श्रेष्ठ, जिल्ला स्वास्थ्य कार्यालयका प्रमुख दुर्गादत्त चापागाईं, सोही कम्पनीका रिजनल म्यानेजर राजकुमार गिरी, मेगा बैंकका शाखा प्रबन्धक रामकृष्ण पराजुलीले लगायतले पछिल्लो समय बिमा बजार आकर्षक बन्दै गएको र जीवन बिमा बारे पछिल्लो समय नागरिकले बुझ्न थालेको बताए । विमा कम्पनीहरुले पनि मृत्युदाबी भुक्तानी समयमै दिन थालेको उनीहरुको भनाई थियो ।

पछिल्लो समय आक्रमक बन्दै गएको कम्पनीले गत असार मसान्तसम्ममा ३६ लाख ९ हजार ६ सय ७८ वटा पोलिसी बिक्री गरि बिमित संख्यामा १९ वटै जीवन बिमा कम्पनीहरु मध्य पहिलो हुन सफल भएको शाखाका प्रबन्धक लक्ष्मण बिष्टले जानकारी दिए ।

बिमा बजारमै पहिलो पटक प्रिमिमियसहितको प्राथमिक शेयर निष्कशनको अभ्यास शुरु गरेको कम्पनिले १ सय १२ रुपैयाँ प्रिमियम सहित प्रति कित्ता २ सय १२ रुपैयाँमा ६० लाख कित्ता आइपिओ निष्काशन गर्न गैरहेको छ । कम्पनीले स्थापनाको ४ वर्षको अवधिमा जीवन बिमा कोषमा २ अर्ब ५८ करोड रुपैयाँ जम्मा गर्न सफल भएको छ ।

चौथो बार्षिकोत्सबको अबसरमा कम्पनीले प्रत्यक्ष अप्रत्यक्ष रुपमा कम्पनीलाई सहयोग गर्ने ब्यक्ति तथा स्रस्था, बिमित, अभिकर्ता, नियामक निकाय बिमा समिति, शेयरधनी, अभिकर्ता, कर्मचारी लगायतलाइ धन्यबाद ब्यक्त गरेको छ ।