मिस्टर एण्ड मिस सिन्धुपाल्चोकको तेस्रो अडिसन हुँदै, विजेताले नगद २५ हजार पाउने

चौतारा । लुकेर रहेको प्रतिभाको पहिचान गरि कलाकारहरु उत्पादन गर्ने उद्देश्यले आयोजना गरिएको ‘मिस्टर एण्ड मिस सिन्धुपाल्चोक’ को तेस्रो अडिसन २६ गते हुने भएको छ ।

परफेक्ट प्लान इन्टरटेनमेन्टले आयोजना गरेको प्रतियोगिता अन्र्तगत भदौ १२ गते पहिलो र भदौ १९ गते दोस्रो अडिसन सम्पन्न भईसकेको छ । पहिलो अडिसनबाट १७ जना छनौट भएको कम्पनीका कार्यकारी निर्देशक मञ्जरी पुरीले बताईन् । दोस्रो अडिसनको नतिजा चाँडै प्रकाशन गरिने उनले बताईन् ।

‌‌‌

पहिलो अडिसनमा आएका कलाकारहरुको छनौट भारतको भोपाल मध्यप्रदेशमा जन्मिएका मोडल अलि अकरम रजा, मञ्जरी पुरी र अर्शु महर्जनले गरेका थिए भने दास्रो अडिसनमा अलि अकरम रजा, मञ्जरी पुरीले जर्जमेन्ट गरेका थिए । तेस्रो अडिसनको लागि नायक एवम् मोडल सलोन बस्नेत आउने जनाईएको छ ।

१५ वर्ष माथि र २४ वर्ष नकटेकाहरु सहभागि रहने प्रतियोगिताको तेस्रो अडिसन सम्पन्न भईसकेपछि तीनवटै अडिसनबाट छनौट भएकाहरुलाई भाद्र ३० गतेबाट विभिन्न तालिम प्रदान गरिने छ । छनौट भएकाहरुले तालिम वापत १२ हजार रुपैंया शुल्क तिर्नुपर्ने कार्यकारी निर्देशक पुरीले बताईन् ।

मिस्टर एण्ड मिस सिन्धुपाल्चोकको फिनाले असोज १६ गते हुने जनाईएको छ । विजेताले नगद् २५ हजार रुपैंयासहित म्यूजिक भीडियो, छोटो चलचित्रमा अभिनयको अवसर प्रदान गरिने पुरीले जानकारी दिईन् ।