मैत्रीपूर्ण फुटबल प्रतियोगितामा वडा कर्मचारी विजयी

थाङ्पालधाप । संविधान दिवसको अवसरमा आयोजीत पाँचपोखरी थाङ्पाल गाँउपालिकाका जनप्रतिनिधि र कर्मचारीहरुबीच मैत्रीपूर्ण फुटबल प्रतियोगितामा वडा कर्मचारी टीम विजयी बनेको छ ।

वडा कर्मचारी टीम तीन खेलमा विजयी हुँदै ९ अंक सहित प्रथम हुन सफल भएको हो । त्यस्तै पालिका जनप्रतिनीधी दुई खेलमा विजयी हुँदै ६ अकंसहित दोस्रो र पालिका कर्मचारी टीम एक खेलमा विजयी भई ३ अंक सहित तेस्रो भएको गाउँपालिका खेलकुद विकास समितिका अध्यक्ष टासी शेर्पाले जानकारी दिए ।

आईतबार मध्यान्न भएको समापन खेलमा जनप्रतिनीधी टीमले वडा कर्मचारी टीमलाई ४ –० गोलले पराजित गरेको थियो । खेलमा गाँउपालिका अध्यक्ष टासी लामाले २ गोल गरेका थिए । खेलकुद विकास समितिद्वारा आयोजीत प्रतियोगिता नाईन ए साईड अनुसार खेलाईएको प्रतियोगिताको पाँचपोखरी थाङ्पाल गाउँपालिकाका उपाध्यक्ष सुनिता अधिकारीले हिजो उद्घाटन गरेकी थिईन ।