संविधान दिवसको अवसरमा विद्यार्थीद्वारा दीप प्रज्वलन

चौतारा । संविधान दिवसको अवसरमा नेकपा माओवादी केन्द्र निकट विद्यार्थी संगठन अखिल (क्रान्तिकारी) चौतारा साँगाचोकगढी नगर कमिटिले दीप प्रज्वलन गरेको छ ।

चौताराको टुँडिखेलमा साँझ गरिएको दीप प्रज्वलन कार्यक्रममा चौतारा साँगाचोकगढी नगरपालिकाका प्रमुख अमानसिं तामाङ, उपप्रमुख जानुका पराजुली, अखिल (क्रान्तिकारी) का निर्वतमान जिल्ला अध्यक्ष मिलन लामा लगायतले शुभकामना व्यक्त गरेका थिए ।