प्रथम मालिकादेवी कप फुटबल प्रतियोगिता हुने

चौतारा । मेलचौर युवा जागरण समाजले असोज २० गतेदेखि प्रथम मालिकादेवी कप फुटबल प्रतियोगिता गर्ने भएको छ ।

चौतारा साँगाचोकगढी नगरपालिका– ७ मेलचौरको दरबारडाँडामा हुने प्रतियोगितामा सहभागी हुन चाहने टीमले असोज १८ गतेभित्र टीम दर्ता गराइसक्नुपर्ने आयोजकले जनाएको छ । प्रतियोगितामा पहिलो, दोस्रो र तेस्रो हुने टीमले ट्रफी, मेडल र प्रमाणपत्रका साथै क्रमशः नगद रु ६० हजार, ४० हजार र २० हजार रुपैंया प्राप्त गर्ने समाजका अध्यक्ष कृष्ण श्रेष्ठले जानकारी दिए ।

अहिले प्रतियोगिताको लागि आवश्यक मेलमैदान सुधार गर्ने, सहयोग संकलन गर्ने र प्रतियोगिताको तयारी गर्ने काम भईरहेको उनले बताए ।