अखिल (क्रान्तिकारी) सिन्धुपाल्चोक देशभरमै उत्कृष्ट

चौतारा । अखिल (क्रान्तिकारी) सिन्धुपाल्चोक समिति देशभरकै उत्कृष्ट समिति ठहर गरिएको छ ।

काठमाण्डौको प्रज्ञा हलमा विहीबारदेखी सुरु भएको अखिल क्रान्तिकारीको २२औं राष्ट्रिय सम्मेलनमा सिन्धुपाल्चोक समितिलाई उत्कृष्ट समिति घोषणा गरिएको हो । उद्घाटन समारोहमा सांगठनिक गतिविधिहरुको मूल्याङ्कानमा सिन्धुपाल्चोक समिति उत्कृष्ट ठहरिएको भन्दै प्रसंसा–पत्र प्रदान गरिएको थियो ।

नेकपा माओवादी केन्द्रका अध्यक्ष पुष्पकमल दाहालले सिन्धुपाल्चोक समितिलाई प्रसंसा–पत्र प्रदान गरेका थिए । ‘यो मूल्याङ्कन र सम्मानका लागि केन्द्रीय संगठन प्रति जिल्ला संगठन हार्दिक आभार व्यक्त गर्दछ’, प्रसंसा पत्र प्राप्त गरे लगत्तै अखिल (क्रान्तिकारी) सिन्धुपाल्चोकका उपाध्यक्ष प्रविण चौलागाईले भने– ‘यो उर्जा र स्पिरिडलाई कायम राख्दै आगामी दिनहरूमा संगठन निर्माण र आन्दोलनमा अझ सशक्त ढंगबाट अगाडि बढाउन प्रेरणा र उत्साह बढेको छ ।’