भावुक स्मृति ग्रन्थ विमोचन

चौतारा । सिन्धुपाल्चोकको चौतारा साँगाचोकगढी नगरपालिका– ६, पिपलडाँडामा जन्मिएका राजनीतिज्ञ एवम् साहित्यकार खिलबहादुर भावुकको सम्झनामा प्रकाशित स्मृति ग्रन्थको विमोचन गरिएको छ ।

पिपलडाँडा स्थित सिद्धिकमला माध्यमिक विद्यालयमा आयोजना गरिएको ३०औं भावुक स्मृति दिवसको अवसरमा ‘भावुक स्मृतिः घटना बिचारको संगालो’ नामक स्मृति ग्रन्थको बिमोचन गरिएको हो । कार्यक्रममा पूर्व मन्त्री अमृत कुमार बोहरा, जिल्ला समन्वय प्रमुख कृष्णगोपाल तामाङ, पूर्व सचिव पुन्य न्यौपाने, समाजसेवी राम कार्की, जिल्ला समन्वय उप–प्रमुख बालकुमारी सापकोटा लगायतको उपस्थिती थियो ।

स्मृति दिवसमा कवि घनश्याम नेपाल, कवि दील कार्कीले कविता वाचन गरेका थिए । सो अवसरमा भावुकको प्रतिमा स्थापना गर्नुपर्नेमा जोड दिईएको थियो । प्रतिमा स्थापना गर्न कोष समेत निर्माण गरेको भावुक स्मृति अध्ययन केन्द्रका अध्यक्ष केशवलोचन शर्माले बताए ।