केन्द्र अनिर्णीत हुँदा ६ जिल्लाका रेडक्रस मर्कामा

चौतारा । नेपाल रेडक्रस सोसाइटी केन्द्रले ६ वटा जिल्ला शाखाहरुमा विद्यमान रहेका कार्यसमितिको अलावा समानान्तरण तदर्थ समिति गठन गरेको छ ।

नेपाल रेडक्रस सोसाइटी केन्द्रको आर्थिक पारदर्शिताको विषयमा आवाज उठिरहेको र संस्था नविकरण नभईरहेको सन्दर्भमा नेपाल सरकारले केन्द्रीय कार्यसमिति भंग गरी संस्था नविकरण तथा विधान अनुसार अधिवेशन सम्पन्न गराउन गत २०७७ श्रावणमा डा. नेत्र तिमल्सिनाको संयोजकत्वमा गठित केन्द्रीय समितिले तदर्थ समिति बनाएको हो ।

जिल्ला शाखाको अधिवेशनका लागि केन्द्रले निर्वाचन अधिकारी खटाउने र निर्वाचन प्रक्रिया अगाडी बढाउने विधानमा व्यवस्था छ । रेडक्रसको विधान अनुरुप प्रत्येक ४ वर्षमा अधिवेशन हुने तथा कारणवस १ वर्षको थप भएका र विधान अनुसार पटक पटक अधिवेशनको माग गरेका सिन्धुपाल्चोक लगायत ६ वटा जिल्ला शाखाहरुमा समानान्तरण तदर्थ समिति गठन गरेको हो ।

संस्था नविकरण तथा अधिवेशनको जिम्मेवारी पाएका केन्द्रीय तदर्थ समतिलाई जिल्ला शाखा विघटन सम्बन्धमा स्पष्ट कार्यादेशमा उल्लेख भएको नदेखिंदा ६ वटा जिल्लाको जिल्ला शाखा विघटन सम्बन्धि कार्यान्वयन नगर्न जिल्ला प्रशासन कार्यालय काठमाण्डौले गत असोज ५ गते केन्द्रलाई पत्राचार गरेको थियो ।

प्रशासनको आदेश उपर रेडक्रसको एक सदस्यले उच्च अदालत पाटनमा उत्प्रेषणको आदेशको लागि परेको रीट निवेदनमा सो अदालतले दुबै पक्षलाई १५ दिनको म्याद दिई विधानको कार्यान्वयनमा हस्तक्षप नगर्न नगराउन असोज १९ गते आदेश भएको र आदेश विरुद्ध जाने १५ दिनको अवधि ननाघेका अवस्थामै केन्द्रको तीन सदस्यीय समितिले सुनियोजीत ढंगले विद्यमान कार्यसमितिलाई अधिवेशन गर्ने अवसर नदिई केन्द्रले समानान्तरण तदर्थ समिति गठन गरेकोमा ६ वटै जिल्ला शाखाहरुले आपत्ति जनाएका छन् ।

संस्था नविकरण लगायतका कारण नेपाल रेडक्रसको विधान अनुसार समयावधि पूरा हुने जिल्ला शाखाको अधिवेशन नगर्न नगराउन र विद्यमान कार्यसमितिले निरन्तर काम गर्न कार्यादेश पाएका उल्लेखित ६ वटा जिल्ला कार्यसमितिको विधिवत विघटन नभएको हुँदा केन्द्रले गठन गरेको तदर्थ समितिलाई जिल्ला शाखाको अधिवेशन वा निर्वाचन प्रक्रियाको जिम्मेवार दिई नेपाल सरकारले अनुमोदन गरेको अन्र्तराष्ट्रिय संस्थाको रुपमा चिनिने रेडक्रसलाई राजनैतिक भन्दा सामाजिक तथा वैधानिक गतिविधि अपनाएर निकाशा दिनु पर्ने आवश्यकता रहेको सिन्धुपाल्चोकका मन्त्री कमलचरण कक्षपतिले बताए ।

हेर्नुस् यस सम्बन्धी महत्वपूर्ण कागजातहरुः