सिन्धु एमालेको रणनीतिः झुक्याउँदै, सदस्य बनाउँदै

चौतारा । पछिल्लो पटक सिन्धुपाल्चोकको एमालेले नागरिकलाई ‘झुक्याएर’ सदस्यता दिने रणनीति अपनाउन थालेको छ ।

पार्टी विभाजनपछि कमजोर बन्दै गएको एमालेले झुक्याएरै भएपनि पार्टी सदस्यता दिन थालेको हो । पछिल्लो पटक देशभर हुने भनिएको वडा अधिवेशनमा वडा कमिटि अध्यक्षनै ‘झुक्याएर’ बनाएपछि एमालेको यो रणनीति बाहिरिएको छ । आईतबार सिन्धुपाल्चोकको चौतारा साँगाचोकगढी नगरपालिका– ४ कुविण्डेमा वडा कमिटि अध्यक्षनै ‘झुक्याएर’ बनाएको छ ।

एमालेले आफूलाई ‘झुक्याएर’ अध्यक्ष बनाएको भन्दै रुद्रप्रसाद सापकोटाले आपत्ति जनाएका छन् । उनले आईतबार साँझ प्रेस विज्ञप्ती जारी गर्दै उक्त पार्टी प्रति आफ्नो कुनै संलग्नता नरहेको बताए । ‘नेकपा एमालेका जिम्मेवार व्यक्तिहरूले तपाईसँग छलफल छ भनि बोलाएर त्यहाँ नियत बस मलाई झुक्याएर वडा कमिटीको प्रमुख बनाएको जानकारी दिईयो’, उनले भने– ‘म लामो समयदेखि नेकपा (माओवादी केन्द्र) मा सङ्गठित छु, यसरी झुक्याएर मेरो बदनाम गर्न खोजिएकोप्रति आपत्ति जनाउँदछु ।’

त्यस्तै एमालेको शनिबार बलेफी गाउँपालिका– ७ चिम्लिङमा विकास निर्माणको लागि छलफल छ भन्दै ‘झुक्याएर’ पार्टी सदस्य भएको प्रचार गरेका छन् । सो ठाउँका १० जना स्थानीयले आफूहरुलाई झुक्याएर सदस्य बनेको भन्दै भ्रम फैलाएको प्रति आपत्ति जनाउँदै प्रेस विज्ञप्ती जारी गरेका छन् ।

‘खेतबारीमा धान, कोदो टिप्न जान लागेको बेला विकासको कुरा गर्नु छ भनेर बोलाए’, बलेफी गाउँपालिका– ७ कि मिना विकले भनिन्– ‘विकासकै कुरा हो भने के रहेछ त बुझौं भनेर गयौं, त्यहाँ खादा र टीका लगाईदिए ।’ समाचार सुन्दा आफूले पार्टी प्रवेश गरेको रे भनेर नाम आउँदा छक्कै परेको उनले सुनाईन् । ‘यस्तो फटाई काम पनि गर्नु हुन्छ’, उनले भनिन् । उनीहरुले आफूहरु युद्धकालदेखिनै माओवादीमा संलग्न रहेको र अहिले नेकपा (माओवादी केन्द्र)को पार्टी सदस्य रहेको बताएछन् ।

एमालेको यस्तो हर्कतले पार्टीलाई फाईदा नपुर्याउने राजनीतिक विश्लेषकहरु बताउँछन् । आफ्नो सिद्धान्त र कार्यव्यवहारले जनतालाई पार्टीमा ल्याउन नसकिएपछि ‘झुक्याउने ओली हर्कत’ एमालेले सुरु गरेको उनीहरुको तर्क छ ।

हेर्नुस् एमालेले आफूहरुलाई ‘झुक्याएको’ भन्दै जारी विज्ञप्तीहरुः