मेलम्चीले जित्यो प्रथम म्हे म्हे स्मृति कप

नवलपुर । प्रथम म्हे म्हे स्मृति कप फुटबल प्रतियोगिताको उपाधी हाम्रो टिम मेलम्चीले जितेको छ । पेनाल्टी सुट आउटमा अर्चले युवा समाजलाई पराजित गर्दे मेलम्चीले उपाधी जितेको हो ।

सिन्धुपाल्चोककै ठूलो पुरस्कार धनराशी रहेको म्हे म्हे कपमा बिजेताले १ लाख सहित ट्रफी र प्रमाण पत्र तथा उप बिजेताले ५० हजार सहित ट्रफी र प्रमाणपत्र प्राप्त गरेको आयोजक मिलन चोक युवा समाजका अध्यक्ष दयाराम तामाङले जानकारी दिए ।

प्रतियोगितामा १८ क्लबले सहभागिता जनाएका थिए । औपोचारिक समारोहकाबीच बागमती प्रदेश सभा सदस्य एवम् नेपाल कम्युनिस्ट पार्टी (माओवादी केन्द्र)का केन्द्रिय सदस्य युवराज दुलालले विजेता र उपविजेता टीमहरुलाइ कप मेडलका साथै नगद पुरस्कार हस्तान्तरण गरेका थिए ।