महत्वपूर्ण कागजातसहित रकम फेला

चौतारा । सोमबार बिहान विद्यालय जाने क्रममा चौतारा साँगाचोकगढी नगरपालिका– ८ इर्खु जालिगैरा नजिकै पिच बाटोमा महत्वपूर्ण कागजातसहित रकम फेला परेको छ ।

महाकाली सेतिदेवी आधारभूत विद्यालयका प्रधानाध्यापक सन्तोष दंगालले ती महत्वपूर्ण कागजातसहित रकम फेला पारेका हुन् । भेटिएको पर्समा चक्रबहादुर श्रेष्ठ नाम गरेको लाइसेन्स फि पेमेन्ट गरेको रसिद फेला परेको हुनाले नीज व्यक्तिलाई आफ्ना पर्स, कागजपत्र र नगद ४ हजार ३ सय ८५ रुपैंया लिनको लागि दंगालले अनुरोध गरेका छन् ।

उनले ९८०३१४०५७८ वा ९८६१८४२४५९ मा सम्बन्धित व्यक्तिले सम्पर्क गरी सो सामग्री लैजान अनुरोध गरेका छन् ।