दुर्घटनामा १ को मृत्यु, १८ घाइते

साँगाचोक । सिन्धुपाल्चोकमा आज (मंगलबार) मध्यान्न भएको माइक्रोबस दुर्घटनामा १ जनाको मृत्यु भएको छ । अन्य १८ जना घाइते भएका छन् ।

बलेफी गाँउपालिका– ५, विञ्जेलकी सरस्वती पराजुलीको उपचारको क्रममा धुलिखेल अस्पतालमा मृत्यु भएको हो । दिउँसो करिब १२ः२५ मा सदरमुकाम चौताराबाट काठमाडौं गइरहेको बा२ख २६१२ नम्बरको माइक्रोबस पोखरेमा दुर्घटना हुँदा १९ जना घाइते भएका थिए । घाईते मध्ये १ जनाको मृत्यु भएपनि बाँकीको अवस्था खतरामुक्त रहेको प्रहरीले जनाएको छ ।

दुर्घटनामा घाईते हुनेहरुमा चौतारा साँगाचोकगढी नगरपालिका– १ का पशुपती थापा, तुलसी थापा, डकेन्द्र थापा, सुस्मिता श्रेष्ठ, राजकुमार तामाङ, वडा नं. ५ का लाक्पा शेर्पा, कटुल शेर्पा, वडा नं. ६ का कुमार लामा, आशोक लामा, बिन्दु सापकोटा, वडा नं. ७ का निरोज दंगाल, यम कुमारी थापामगर, चेत कुमारी थापामगर, मकवानपुर हेटौडा उपमहानगरपालिका– १ का अरुण तामाङ, राम लाल थिङ, धादिङ गोल्छे गाउँपालिका– ४ का नविन अधिकारी, प्रतिमा कार्की र बारा सिमराकी स्वहिता थापा छन् ।

घाईते मध्ये १६ जनाको धुलिखेल अस्पतालमा उपचार भईरहेको प्रहरीले जनाएको छ ।