हेलम्बुमा बस दुर्घटनाः १ को मृत्यु, ५ घाईते

मेलम्ची । सिन्धुपाल्चोकको हेलम्बु गाएँपालिका– ७ इचोकमा यात्रुबाहक बस दुर्घटना हुँदा एकको घटनास्थलमै मृत्यु भएको छ ।

दुर्घटनामा परि हेलम्बु गाउँपालिका– ३ पाल्चोककी ५५ बर्षिय महिला पासाङ तामाङको मृत्यु भएको हो । इचोकबाट काठमाडौको लागि छुटेको सिन्धु हेलम्बु यातायात प्रालिको बा४ख ५८१५ नम्बरको बस आज (बुधबार) बिहान ९ः३० बजे दुर्घटना भएको प्रहरीले जनाएको छ ।

इलाका प्रहरी कार्यालय हेलम्बुका अनुसार ५ जना घाइते भएकाहरुको उद्धार गरी धुलिखेल अस्पताल पठाईएको छ । घाइते हुनेमा हेलम्बु गाउँपालिका– ६ का अनुज तामाङ, सोहि ठाउँमा पासाङ दोर्जे, साजन तामाङ, जङ्बु तामाङ र वडा नं. ७ का आयुष पण्डित रहेको इलाका प्रहरी कार्यालय हेलम्बुका प्रहरी नायव निरीक्षक सुनिल थापाले जानकारी दिए ।

प्रहरीले बस चालकलाई नियन्त्रणमा लिई अनुसन्धान सुरु गरेको छ । बसमा ३२ जना यात्रु सवार थिए । ब्रेक फेल भएर दुर्घटना भएको हुन सक्ने प्रहरीको अनुमान छ ।