घरमा भेटिदैनन् माझी समुदाय, बगरमै जनगणना

नवलपुर । गएको कार्तिक २५ गतेबाट राष्ट्रिय जनगणना सुरु भएको छ । तर गणनाको लागि घरमा पुगेका गणकहरुले परिवार सदस्य नभेटेपछि समस्या देखिएको छ ।

सिन्धुपाल्चोकको इन्द्रावती गाउँपालिका– ५ को इन्द्रावती नदी आसपासका माझी समुदाय घरमा भेटिदैनन् । जीवन गुजाराका लागि इन्द्रावती बगरमा रहने उनीहरु घरमा नभेटिएपछि तथ्याङ्क सङ्कलनको लागि अफ्ट्यारो परेको गणकहरुले बताएका छन् ।

‘उहाँहरु घरमा भेटिनुहुन्न’, इन्द्रावती गाउँपालिका– ५ मा गणकको काम गर्दै आएकी कविता चापागाईले भनिन्– ‘इन्द्रावती बगरमै गएर तथ्याङ्क संकलन गरिरहेको छु ।’ यसरी तथ्याङ्क सङ्कलन गर्दा तथ्याङ्क पूरा रुपमा नआउने हो कि भन्ने समस्या रहेको उनले सुनाईन् ।