विद्यार्थीलाई शैक्षिक सामग्री सहयोग

बराम्ची । जुगल गाउँपालिका– १ स्थित सिंगेश्वरी आधारभूत विद्यालयका विद्यार्थीहरु शैक्षिक सामग्री सहयोग गरिएको छ ।

बराम्ची हाइड्रो पावरको इन्चार्ज यम थापाले विद्यार्थीहरुलाई शैक्षिक सामग्री व्यवस्था गरिदिएका हुन् । सो विद्यालयमा अध्ययनरत ४५ भन्दा बढी विद्यार्थीहरुको लागि स्कूल ड्रेस, कापी कलम, पेन्सिल वितरण गरिएको हो ।

‘जाडोका कारण यहाँका विद्यार्थी प्रभावित छन्, जसका कारण पठनपाठनमा धेरै समस्या छ,’ सामग्री हस्तान्तरण कार्यक्रममा स्थानीय समाजसेवी यम थापाले भने– ‘यसको समाधानका लागि न्यानो कपडा वितरण गरेका हौं ।’ यस्ताखालका कार्यक्रमले विद्यालयलाई नियमित विद्यालय आउने वातावरण तयार हुने उनको भनाइ छ ।

कार्यक्रममा नेपाल कम्युनिष्ट पार्टी माओवादी केन्द्र जुगल गाउँपालिका उपाध्यक्ष तुलनाथ घिमिरे, बराम्ची हाइड्रो पावरको इन्चार्ज यम थापा, विद्यालय व्यवस्थापन समितिका अध्यक्ष, तिकल श्रेष्ठ, उतम श्रेष्ठ, शिक्षक अभिभावक, विद्यार्थीहरुको उपस्थितीमा सामग्री वितरण गरिएको थियो ।