१ करोड ४ लाखमा बन्यो जनज्योतिको भव्य भवन

चौतारा । १ करोड ४ लाखमा रुपैंया लागतमा चौतारा साँगाचोकगढी नगरपालिका–११ मा जनज्योति आधारभूत विद्यालयको भवन निर्माण भएको छ ।

नब निर्मित भवनको मंगलवार एक समारोहकाबीच उद्घाटन गरिएको छ । भारतीय समाजसेवी संस्था टाटा कम्युनिटी ईनिसिएटिभ ट्रष्टको वित्तीय सहयोगमा टाटा ट्रष्ट भारत र सिप्रदीयन सहायता संस्था काठमाडौको सहकर्यमा भवन निर्माण सम्पन्न भएको हो । नवनिर्मित भवनको टाटा कम्युनिटी ईनिसिएटिभ ट्रष्टकाका माहाप्रबन्धक श्रीरंग धवले, चौतारा साँगाचोकगढी नगरपालिकाका प्रमुख अमानसिं तामाङ र सिप्रदीयन सहायता संस्थाका बरिष्ट उपाध्यक्ष शम्भुप्रसाद दाहाले संयुक्तरुपमा उद्घाटन गरेका हुन् ।

५ कोठे भूकम्प प्रतिरोधी भवनसहित घेरावार, फर्निचर, खेलकुदका सामग्री उपलब्ध गराईएको टाटा ट्रष्ट भारतका एरियामा मेनेजर सुरज पोखरेलले जानकारी दिए । उद्घाटन समारोहमा टाटा कम्युनिटी ईनिसिएटिभ ट्रष्टकाका माहाप्रबन्धक श्रीरंग धवले र सिप्रदीयन सहायता संस्थाका बरिष्ट उपाध्यक्ष शम्भुप्रसाद दाहाललाई ताम्र–पत्रद्वारा सम्मान गरिएको थियो । समारोमै भवननिर्माणका क्रममा सहयोग गर्नु हुने विभिन्न सहयोगीलाई समेत कदर–पत्रद्वारा सम्मान गरिएको थियो । सिप्रदीयन सहायता संस्थाका विनोदबहादुर सिह, विमल गौतम, नेपाल पत्रकार महासंघका केन्द्रीय प्रतिनिधि परिषद्का सदस्य ज्ञानेन्द्रप्रसाद तिमिल्सिना, स्काई ल्याण्ड कन्सल्टेन्सी र निर्माण कम्पनी टक्सार अवाले जेभीलाई सम्मान गरिएको हो ।

सांस्कृतिक कार्यक्रमसहित भएको समारोहमा चौतारा साँगाचोकगढी नगरपालिकाकी उपप्रमुख जानुका पराजुली, एमाले नेता सिता थापा, शिक्षा विकास तथा समन्वय ईकाई सिन्धुपाल्चोकका प्रमुख कृष्णप्रसाद सुवेदी, शिक्षक महासंघका जिल्ला अध्यक्ष ध्रुवराज गिरी, वडा अध्यक्ष शुशीलबहादुर माझीलगाएतले मन्तब्य राखेका थिए ।

विद्यालय ब्यबस्थापन समितिका अध्यक्ष नकुल गिरीको अध्यक्षतामा उद्घाटन समारोह भएको हो ।