मेलम्ची नगरसभाबाट ४ विधेयक पारित

मेलम्ची । मेलम्ची नगरपालिकाको दशैं नगरसभा गरेको छ । नगरसभाले ४ वटा विधेयक संशोधन सहित पारित गरेको छ ।

नगरसभाले विनियोजन ऐन संशोधन विधेयक २०७८, सहकारी ऐन २०७५ लाई संशोधन गर्न बनेको विधेयक २०७८, लेखा समिति कार्यसम्पादन कार्यविधि २०७८ र आर्थिक ऐन २०७८ लाई संशोधन गर्न बनेको विधेयक २०७८ गरी ४ वटा विधेयक संशोधन सहित पारित गरेको हो ।

नगरसभामा नगर प्रमुख डम्बर अर्यालले आर्थिक बर्ष २०७८/७९को पहिलो चौमासिकको प्रगति प्रतिवेदन प्रस्तुत गरेका थिए । प्रतिवेदनमा राहत पुनस्र्थापना नदी नियन्त्रण र बाढीका कारण अवरुद्ध भएको सडक मर्मत संभार गरी पुनसंचालनको लागि हालसम्म २ करोड ४७ लाख ५५ हजार रुपैंया खर्च भएको उल्लेख गरिएको छ । हालसम्म मेलम्ची बाढी पीडित राहत तथा पुनस्र्थापना कोषमा ५ करोड ४४ लाख ४६ हजार ६ सय रुपैँया सहयोग प्राप्त भएको नगर प्रमुख डम्बर अर्यालले उल्लेख गरे ।

मेलम्ची ११ डुँडेबेसीमा १५ शैयाको अस्पताल निमार्णको लागि १५ करोड ९१ लाख ८५ हजार ७ सय रुपैयाँमा ठेक्का सम्झौता भई अस्पताल निमार्ण कार्य भइरहेको, मेलम्ची १२ मा शहरी क्लिनिक सञ्चालनको लागि एकतले भवन निमार्णको काम सम्पन्न भएको, मेलम्ची १२ स्थित टुनीखर्कमा फोहोरमैला व्यवस्थापन कार्य सुरु भएको प्रतिवेदनमा उल्लेख गरिएको छ । चालु आर्थिक वर्षमा इन्द्रावती र मेलम्ची नदी क्षेत्रबाट ढुंगा, गिटी र बालुवा बिक्रिगरी आन्तरिक राजस्व संकलनको लागि २४ करोड ९५ लाख ५७ हजार रुपैँयामा तीनपिप्ले निमार्ण सेवा काठमाडौंसँग ठेक्का सम्झौता गरिएको अर्यालद्वारा प्रस्तुत भएको प्रतिवेदनमा उल्लेख छ ।

त्यस्तै १४ वटा विद्यालयमा इसिडि कक्षा थपगरी सो विद्यालयहरुमा बाल विकास सहजकर्ता नियुक्ति गरिएको, खेलाडीहरुलाई आर्थिक सहायता प्रदान गर्दै थप हौसला र खेलकुदको प्रवद्र्धन गर्नेकार्य गरिरहेको उल्लेख छ । कार्यक्रममा बजेट बक्तव्य नगर उपप्रमुख भगवती नेपालले प्रस्तुत गरेकी थिईन् ।