तेक्वान्दो खेलाडीहरुको गरियो ग्रेडिङ

चौतारा । सिन्धुपाल्चोकको चौतारा साँगाचोकगढी नगरपालिका– ७ सानोसिरुवारीमा हिराहरि तेक्वान्दो डोजाङले जुनियर तथा सिनियर तेक्वान्दो खेलाडीहरुको ग्रेडिङ गरेको छ ।

नेपाल तेक्वान्दो संघको वार्षिक कार्यक्रम अनुसार हिराहरि तेक्वान्दो डोजाङले सेतो पेटीदेखी दोस्रो डान, कालोपेटीसम्मको ग्रेडिङ लिएको हो । जुनियर ग्रेडिङमा सेतो पेटीका प्रज्वल सापकोटा, रोनिशा घले, पहेलो पेटिका अभिनाश कार्की, अनमोल कार्की, पहेँलो÷हरियो हरियो पेटी तर्फभने दावा तामाङ र दोर्जे तामाङ डबल प्रमोसन हुन सफल भएका छन् । अन्य प्रशिक्षार्थी र सिनियर तर्फ सहभागी कालो पेटी प्रथम डान, कालो पेटी दोस्रो डानको ग्रेडिङमा सहभागी प्रशिक्षार्थी उर्तीण हुन सफल भएका छन् । ग्रेडिङ हिराहरि तेक्वान्दो डोजाङका संस्थापक रमेश गुरुङले गरेका थिए ।

सो कार्यक्रममा चौतारा साँगाचोकगढी नगरपालिका– ७ का अध्यक्ष तथा चौतारा साँगाचोकगढी नगरपालिकाका समाजिक विकास समितिका सह–संयोजक उमाप्रसाद दुलालले खेलाडीहरुलाई शुभकामना दिएका थिए । सिद्धिगणेश मावि सानोसिरुवारिका प्रधानध्यापक राजकुमार यादव, अभिभावक, खेलप्रेमि तथा स्थानीयको बाक्लो उपस्तिथि रहेको थियो ।