ग्लोबल आइएमईद्वारा ग्राहकलाई बित्तीय साक्षरता प्रदान

चौतारा । ग्लोबल आइएमई बैंक लिमिटेड चौतारा शाखा कार्यालयको आयोजनमा एक दिने बित्तीय साक्षरतार डिजिटल बैकिङ्ग सम्बन्धी कार्यक्रम सञ्चालन गरिएको छ।

चौताराको न्यूअरनिको रिसोर्ट प्रालिमा भएको कार्यक्रममा बैंकले आफ्ना ग्राहकहरुलाई सहभागिता गराई मोबाइल बैकिङ एप्स, डेबिट तथा क्रेडिट कार्ड सुबिधा, मोबाइल तथा ईन्टरनेट बैकिङ्ग सुबिधा क्युआर कोड भुक्तानी, कनेक्ट आइपिएस लगायत अन्य विभिन्न नयाँ डिजिटल एप्सहरुको विषयमा छलफल गरेको हो ।

वित्तीय साक्षरता कार्यक्रम बैंकका बागमती प्रदेश सहायक प्रमुख प्रबन्धक प्रवेश पाण्डे र डिजिटल बैन्किङ्ग प्राबिधिक सहायक सौरव रिसालले सयुक्त रुपमा सञ्चालन गरेका थिए । अहिले प्रधान कार्यालयले देश भरिनै रहेका शाखा कार्यालयहरु मार्फत डिजिटल बैन्किङ्ग सम्बन्धी आफ्ना ग्राहकहरुलाइ बित्तीय साक्षरता तालिम सञ्चालन भईरहेको अप्रेसन विभाग सञ्चालक प्रमुख अनामिका सिंहले जानकारी दिइन् ।

जनता बैंक लि. लागायत विभिन्न १८ वटा सस्थाहरु गाभिएको र २३ लाख भन्दा बढी सदस्यहरु रहेको बैंक अहिलेसम्म उतकृष्ट ब्यबसाय गर्न सफल रहेको र चौतारा शाखाले पनि राम्रो ब्यवसाय गर्दै आएकोले ग्राहकहरुलाई पनि सन्तुष्ट दिन सकेको शाखा प्रबन्धक नबिन श्रेष्ठले जानकारी दिए ।

उच्च प्रविधियुक्त, विशिष्टकृत र समसामयिक ग्राहकमैत्री सेवाप्रवाह गरि प्रतिस्प्रर्धी बजारमा अब्बलता कायम गर्दै ग्राहकहरुलाई उच्च सुबिधा सहित शेयरधनीहरुलाइ उचित प्रतिफल दिने उदेश्य बोकेको ग्लोबल बैंकको अहिलेसम्म देशभर २ सय ८७ वटा शाखा कार्यालयहरु रहेको छ भने बाणिज्य बैंकहरु मध्ये विभिन्न परिसुचकमा अग्रणी स्थान हासिल गर्न सफल बैंक पछिल्लो समय आक्रमक बन्दै गएको छ।