प्रेस सेन्टर सिन्धुपाल्चोकद्वारा १९ सदसिय कार्यसमिति चयन

चौतारा । प्रेस सेन्टर नेपाल जिल्ला समन्वय समिति सिन्धुपाल्चोकको ५औं अधिवेशनले १९ सदसीय कार्यसमिति चयन गरेको छ ।

नेकपा (माओवादी केन्द्र) समर्थित पत्रकारहरुको संगठन प्रेस सेन्टर नेपाल, सिन्धुपाल्चोकको अधिवेशनमा दिनेश दुलालको नेतृत्वमा नयाँ कार्यसमिति निर्वाचित चयन गरेको हो । सेन्टरको उपाध्यक्षमा दिपक खत्री, समावेशी महिला उपाध्यक्ष अस्मी स्याङतान, सचिव सुन्दर शिरीष, सह–सचिव अर्जुन शर्मा, समावेशी सह–सचिव सम्झना कार्की, कोषाध्यक्ष निर्मल बस्नेत चयन भएका छन् ।

त्यस्तै सदस्यहरुमा रस्मी खत्री, राजेन्द्र रानामगर, सुप्रिन्स कसजु, कल्पना श्रेष्ठ, दुर्गाबहादुर श्रेष्ठ, मोनिका विक, निर्मल माझी, सुमित्रा श्रेष्ठ, स्वस्तीका सापकोटा, बासुदेव गिरी, निशा घिमीरे, सरस्वती नेपाल चयन भएका छन् । त्यसैगरी सल्लाहकार समितिको संयोजक सुरेश कसजु, सदस्यमा जीवन श्रेष्ठ र रामकृष्ण थापा रहेका छन् ।

सेन्टरको केन्द्रिय महाधिवेशन प्रतिनिधिमा सुरेश कसजु, जीवन श्रेष्ठ, विदुर गिरी र टीका दाहाल छनौट भएको निर्वाचन समितिका संयोजक तारा श्रेष्ठले बताए । प्रदेश अधिवेशन प्रतिनिधिमा भने अशोक पराजुली, केदार माझी, लालकाजी तामाङ, रमेश पराजुली, चन्द्रकला खत्री, बुद्धिप्रसाद आचार्य छनौट भएका छन् ।

कार्यसमितिमा चयन भएका उपाध्यक्ष दिपक खत्री र सहसचिव सम्झना कार्की आजै प्रेस सेन्टरमा प्रवेश गरेका हुन् । खत्री यसअघि प्रेस चौतारी नेपालका सदस्य रहेका थिए । चौतारीकै टिकटमा उनी नेपाल पत्रकार महासंघको सिन्धुपाल्चोक शाखामा उम्मेद्वार भएर विजयी समेत भएका थिए । सहसचिव बनेकी कार्की भने प्रेस युनियन, सिन्धुपाल्चोकको कार्यसमिति सदस्य थिइन् ।

अधिवेशनको उद्घाटन सत्रमा नेकपा (माओवादी केन्द्र) सिन्धुपाल्चोकका अध्यक्ष गोविन्द पराजुली, प्रेस सेन्टर नेपाल बागमती प्रदेश संयोजक सुनिल खड्का, चौतारा साँगाचोकगढी नगरपालिकाका प्रमुख अमानसिं तामाङ, प्रेस युनियन सिन्धुपाल्चोककी सचिव कमला पाख्रिनलगायतले सक्षम नेतृत्व चयनको शुभकामना दिएका थिए ।