लैङ्गिक हिंसा विरूद्ध ‘तैं चुप, मैं चुप’ मञ्चन

काठमाडौं । लैङ्गिक हिंसा विरूद्ध १६ दिने अभियान अन्तरगत ओरेक नेपालको आयोजनामा शैली थिएटरले कचहरी नाटक ‘तैं चुप, मैं चुप’ मञ्चन गरेको छ ।

नाटकको निर्देशन तथा लेखन सरस्वती अधिकारीले गरेकी हुन् । नाटकले समाजमा भईरहेको लैङ्गिक हिंसा विरूद्ध तीन वटा मुख्य समस्याहरूलाई प्रमुख विषय बनाएको थियो । नाटक हेरिसकेपछि बुढानिलकण्ठ नगरपालिकास्थित महाँकाल जागृती माध्यमिक विद्यालयकी छात्रा सुमित्रा भण्डारीले भनिन आफू समस्यामा पर्दा मात्र होईन, समाज भित्र अन्य मानिस दुर्ब्यावहारमा पर्दा पनि हामीले आवाज उठाउनु पर्छ भन्ने थाहा पाएको बताईन्। ‘आज आफुलाई समस्या परेको छैन भन्दै चुप लागेर हिड्ने हो भने दुर्ब्यावहार गर्नेको हिम्मत बढ्छ’, उनले भनिन्– ‘के थाहा कुनै दिन आफू पनि दुर्ब्यावहारमा पर्न सकिन्छ। त्यसैले ‘हुँदैन’ अथार्त ‘नो’ भन्न सक्नुपर्छ। सहेर बस्नु हुँदैन।’

नाटकले घरभित्र हुने, सार्वजनिक सवारीसाधनमा हुने र शैक्षिक संस्थाहरूमा हुने महिला हिंसालाई प्रमुख समस्याको रूपमा प्रस्तुत गरेको निर्देशक सरस्वती अधिकारीले जानकारी दिईन् । नाटकमा प्रभाकर न्यौपाने, शालिकराम भण्डारी, तारा केसी, सरस्वती अधिकारी, सुवास सुवेदी, विकल्प अधिकारी, प्रसुन न्यौपाने, रविन दोङ तथा सुशील ठकुरीको भुमिका रहेको थियो ।