बलेफीमा बस दुर्घटनाः १ को मृत्यु १० को अवस्था गम्भीर

बलेफी । सिन्धुपाल्चोकको बलेफीमा विवाहको जन्ती लिन गएको बस दुर्घटना भएको छ । बा२ख ५६१४ नम्बरको बस बलेफी गाउपालिका– ४ बिन्जेल, माझगाउँ नजिकै दुर्घटना भएको हो ।

बस सडकबाट १ सय ५० मिटर तल पुगेको छ । बसमा रहेका एक जनाको घटनास्थलमा नै निधन भएको छ । चालक बलेफी– ६ बदर्पाका राजु तामाङको घटनास्थलमै मृत्यु भएको हो । बलेफी ५ का स्थानीय सन्तोष भुजेलको भोली (आईतबार) हुँदै गरेको बिबाहमा काभ्रेको भुम्लुमा जन्ती लिएर जानको लागि बस कोठेबाट बिन्जेल जाँदै थियो । कोठेबाट आफन्त बोकेर बिन्जेल जाँदै बसमा करिब ३० जना सबार रहेको थिए । जसमा १० जना गम्भीर रुपमा घाइतेलाइ धुलिखेल उपचारको लागि लगिएको स्थानीय विनोद नेपालले जानकारी दिए ।

उनका अनुसार अन्य घाइतेहरुको सदावहार अस्पतालमा उपचारको लागि लगिएको छ । स्थानीय विनोद नेपाल ले जानकारी दिए । अहिले स्थानी, प्रहरी, नेपाली सेना ससस्र प्रहरी लगायतको टोलीले उद्दारको काम गरिरहेको प्रहरीले जनाएको छ ।