जन्मभूमिद्वारा विद्यार्थीलाई शैक्षिक सामग्री सहयोग

कुविण्डे । सिन्धुपाल्चोकभित्र सामाजिक क्षेत्रमा क्रियाशिल जन्मभूमी संस्थाले चौतारा साँगाचोकगढी नगरपालिका– ४ कुविण्डेको सेतिदेवी पञ्चकन्या माविका विद्यार्थीहरुलाई शैक्षिक सामग्री सहयोग गरेको छ ।

विपन्न विद्यार्थीहरुलाई संस्थाले सहयोग गरेको संस्थाको अध्यक्ष गीता श्रेष्ठले बताईन् । उनीहरुलाई संस्थाले एक कापी र एक थान झोला सहयोग गरेको थियो । विपन्न परिवारकी लिली ठकुरी, रुजा ठकुरी, सृजना बि.क, सुजता रम्तेल, शारिरिक कमजोर भएका मिलन रम्तेललाई सहयोग गरिएको थियो ।

आर्थिक विपन्नता भएका परिवारलाई सुक्ष्मरूपले अध्ययन गरी छनोटमा परेका छात्र छात्राहरुलाई शिक्षामा लगनशिल हुन मनोबल बृद्धिगर्नको लागि थोरै भए पनि मलम लगाउने उद्देश्यले सहयोग गरिएको संस्थाका अध्यक्ष श्रेष्ठले बताईन् । सो संस्थाले केहि दिन अघि चौतारा साँगाचोकगढी नगरपालिका– १३ ठूलोसिरुवारीमा पनि विद्यार्थीहरुको लागि ९० थान झोला र कापी वितरण गरेको थियो ।