हगाममा सुरु भयो खुल्ला भलिबल प्रतियोगिता

हगाम । जुगल गाउँपालिका– ६ हगाममा मञ्जुश्री सम्वत् २८५८औं ताक (च्यान ल्हो) सोनाम ल्होछारको अवसरमा भलिबल प्रतियोगिता आयोजना गरिएको छ ।

तीन दिनसम्म सञ्चालन हुने प्रतियोगितालाई आज (सोमबार) सिन्धु पर्यटन परिषद्को महासचिव मिलन तामाङले उद्घाटन गरेका हुन् । प्रगियोगितामा सिन्धुपाल्चोक जिल्लाका विभिन्न पालिकाबाट सहभागि जनाएका १० टीमले प्रतिस्पर्दा गर्दै छन् । चौतारा साँगाचोकगढी नगरपालिका टीम, जुगल युथ हर्ट क्लब ए कातिके, जुगल यूथ हर्ट क्लब बी कातिके, क्रियटिभ हगाम युथ क्लब, वनकाली मावि, डल्ले पोखरी टीम, याङ्लाकोट युवा समूह, धुस्कोट समाज युवा क्लब, प्याफुल्ला युवा क्लब ए र प्याफुल्ला युवा क्लब बी सहभागी भएको आयोजकले जनाएको छ ।

प्रतियोगितामा विजयी हुने टीमले २५ हजार रुपैंया नगदसहित मेडल र ट्रफी प्राप्त गर्नेछन् । त्यस्तै द्वितीय र तृतीय हुने टीमलाई क्रमसः १५ हजार र १० हजार रुपैंयासहित मेडल र ट्रफी प्रदान गरिने आयोजकले जनाएको छ । प्रतियोगिताको फाइनल खेल माघ १८ गते गरिने आयोजकको तालिका रहेको छ ।