स्वस्थ्य बच्चाको उपाधी ‘ज्याम्याङ’लाई (फोटो कथा)

ठूलोधादिङ । आमा रुप जिम्बा र बुबा कृष्ण योञ्जनबाट लिसंखुपाखर गाउँपालिका– १ ठूलोधादिङमा एकवर्ष अगाडि जन्मिएकी ज्याम्याङले ‘स्वस्थ बच्चा’को उपाधी पाएकी छिन् ।

लिसंखुपाखर गाउँपालिकाको आयोजनामा बहुक्षेत्रिय पोषण कार्यक्रम अन्तर्गत वडास्तरिय स्वस्थ बच्चा (६–२४ महिना) प्रतियोगितामा उनी प्रथम हुन सफल भएकी हुन् ।

बच्चालाई स्वस्थ्य बनाउन प्रेरणा मिलोस् भनेर यो कार्यक्रम गरिएको लिसंखुपाखर गाउँपालिका– १ का वडा अध्यक्ष पासाङलाल तामाङले बताए । प्रतियोगिता आज (मंगलबार) ठूलोधादिङ स्वास्थ्यचौकीमा आयोजना गरिएको थियो ।