संसदमा एमसीसी टेबल नहुने, गठबन्धनको बैठक बस्दै

काठमाण्डौ । एमसीसी आज (बुधबार) संसदमा टेबल नहुने भएको छ । प्रधानमन्त्री निवास बालुवाटारमा प्रधानमन्त्री शेरबहादुर देउवा र माओवादी केन्द्रका अध्यक्ष प्रचण्डबीच भएको छलफलमा एमसीसी आज टेबल नगर्ने सहमति भएको हो ।

बानेश्वरमा कार्यव्यवस्था परामर्श समितिको बैठक बसिरहेकै बेला देउवा र प्रचण्डबीच सो सहमति भएको हो । एमसीसीबारे अन्तिम छलफल गर्न भोली (विहीबार) गठबन्धनको बैठक बालुवाटारमा बोलाईएको छ ।

एमसीसीबारे छलफल गर्न सत्तारुढ गठबन्धनको बैठक बोलाइएको छ । प्रधानमन्त्री निवास बालुवाटारमा भोली  ३ बजेका लागि बैठक बोलाइएको हो ।