सालकको खपेटासहित पक्राउ

गजुरी । १ केजी सालकको खपेटा सहित सिन्धुपाल्चोक मेलम्ची नगरपालिका– २ बस्ने २४ वर्षी शेरबहादुर तामाङ र काठमाडौं शंखरापुर नगरपालिका– २ बस्ने १९ वर्षीय मानबहादुर तामाङलाई प्रहरीले पक्राउ गरेको छ ।

धादिङको गजुरी गाउँपालिका– १ को गजुरीबजारस्थित सडकमा आदमघाटबाट गजुरीतर्फ आउँदै गरेको ना.८ ख ८४२९ नम्बरको ट्रकलाई ईलाका प्रहरी कार्यालय गजुरीबाट खटिएको प्रहरीले जाँच गर्नेक्रममा ट्रकमा लुकाई राखेको अवस्थामा उक्त खपेटा फेला पारी ट्रक चालक शेरबहादुर र ट्रकमा सवार मानबहादुरलाई पक्राउ गरेको हो ।

यस सम्बन्धमा प्रहरीले आवश्यक अनुसन्धान गरिरहेको जनाएको छ ।