दलित मुक्ति मोर्चा मेलम्चीको अध्यक्षमा रमेश

मेलम्ची । नेपाल दलित मुक्ति मोर्चाको नगरपालिका स्तरिय भेला मेलम्ची बजारमा सप्पन्न भएको छ ।

भेलाले रमेश बिक ‘आदेश’ को अध्यक्षता मा ३५ सदस्यीय नगर समिति १३ सदस्यीय नगर सल्लाहकार समिति गठन गरेको छ । भेलाले उपाध्यक्ष, सचिव, कोषाध्यक्षमा क्रमशः शिब बिक, बिनय रोक्का र केदार रोक्का, अस्मिता नेपालीलाई चयन गरेको छ । नगर सल्लाहकार समिति बिजुले रोक्का मिजारको संयोजकत्वमा १३ सदस्यीय समिति गठन भएको हो ।

कार्यक्रम नेपाल कम्युनिस्ट पार्टी (माओवादी केन्द्र)का केन्द्रिय सल्लाहकार समिति सदस्य तथा नेपाल दलित मुक्ति मोर्चा केन्द्रको संघसंस्था विभाग प्रमुख बलराम बिकको प्रमुख आतिथ्यमा र बागमती प्रदेश समिति सदस्य रोहिणी बिक ‘तस्विर’ तथा पार्टी प्रदेश समिति सदस्य तथा सिन्धुपाल्चोक जिल्ला समन्वय समिति सचिव उद्यन आलेमगरको विशेष आतिथ्यतामा सम्पन्न भएको हो ।

मोर्चाको मेलम्ची नगर भेलासँगै सात ओटा स्थानीय तहको भेला सम्पन्न भएको दलित मुक्ति मोर्चाका जिल्ला सचिव रबिन्द्र खातीले जानकारी दिए । पार्टीको नगर समिति अध्यक्ष गोपाल नेपाल, उपाध्यक्ष सुदर्शन सापकोटा लगायतका पार्टी नेताहरुको उपस्तिथि रहेको उक्त कार्यक्रम दलित मुक्ति मोर्चा जिल्ला अध्यक्ष सुब्बा सुनार, दलित मोर्चाका प्रदेश सल्लाहकार तिलक रोक्काले भेलालाई सम्बोधन गरेका थिए ।

सो कार्यक्रममा २०७४ को स्थानीय निर्वाचन दलित महिला कोटाबाट वडा सदस्यका प्रत्यसी महिला सदस्यहरुलाई नगर समितिमा सदस्यको जिम्मेवारी सहित संगठित गरेको छ ।